Katsorsartittarneq Herstedvesterimi iluaqutigaat

aggustip 19-at 2006 13:17

Herstedvesterimi kalaallit immikkoortortaqarfianiittut, imigassamik ikiaroornartumillu atornerluisutut katsorsartittarneri, inissinneqarsimasunut ulluinnarni inuuniarnerannut iluaqutaasartut, aviisi saqqummersartoq Nyt fra Kriminalforsorgen allappoq.

Katsorsaasarnerit 2004-mili Frederiksbergcenterimit aallartinneqqarsimapput, iluatsilluartumik. Aamma immikkoortortaqarfimmut iluaqutaasimasoq, paarnaarussivimmi sulisoq Flemming Martinsen immikoorortaqarfimmi ukiuni 20-ni sulisimasoq oqarpoq.

- Maani immikkoortortaqarfimmi silaannaq pitsaanerulersimasutut misiginarpoq, siornatigullu katsorsaanerit ingerlanneqanngikkallarmata ajornartorsiutit amerlanerusarsimapput, Flemming Martinsen oqarpoq.

Frederiksbergcenterimiit kalaalersaalluni sulisoq Maria Tuesen aamma malugusuppoq.

- Ukiuni 20-ini kingullerni maani inissinneqarsimasut allaat malugusuttarput. Taamatullu angusaqarsimanerput tupaallannartuuvoq, Naria Tuesen aviisimut Nyt fra Kriminalforsorgen-imut oqarpoq.