Katsorsaavik Nuuk ammarpoq
Imigassamik pinngitsuuisinnaajunnaarsimasunut katsorsaavissaq ”Katsorsaavik Nuuk” ullumikkut ammarneqarpoq.
- Killitsisimanarpoq inuunermi puigugassaanngitsumik uunga illumut iseqqaarneq, Katsorsaavik Nuuk ullumi ammarneqarmat aallarniisup aappaa Aqqalukasik Olsen oqalugiaammini ilaatigut taama oqarpoq.
Avammut oqaaseqartartoq Grethe Kramer Berthelsen aperaarput katsorsaaneq qaqugu aallartissaneraat?
- Inuit arfinillit aallarniutigineqartarput taakkulu angoreernikuugatsigit piaartumik aallartinnissarput naatsorsuutigaarput, Grethe Kramer Berthelsen oqarpoq.
Taanna oqarpoq Qaqiffillu assigiinngissutigissagitsik ilaqutariinnut katsorsaanermi Qaqiffimmi sapaatip-akunnerusartoq namminneq ulluni 14-ini ingerlatsisassagamik. Kiisalu imerajuttup alloriarnernik aqqaneq-marlunnik ingerlatsinera itinerusumik sammineqartassasoq.
Grethe Kramer Berthelsen aperaarput imerajuttoq Katsorsaavik Nuummi katsorsaneqarniaruni qassinik akiliissanersoq?
- Imerajuttumut katsorsartinneq sapaatit-akunnerini arfinilinni 15.000 koruuneqassaaq. Ilaqutariinnilu katsorsartittoq 5.500 koruuniissaaq. taama oqarpoq Katsorsaavik Nuummi aallarneeqataasoq Grethe Kramer Berthelsen.
