Katlap innermik anitsilernissaa ernummatigineqarpoq
- Sakkortuumik erseqqissaatigilara, Katla Eyjafjallajökullilu imminnut attaveqanngillat, qaqqat innermik anitsisartut Islandimi misissuivianni pisortaq
Rikke Pedersen aviisimut Berlingske Tidendemut oqarpoq.
Katlalli innermik anitseriataalersinnaanera aamma miserratiginngilaa.
- Katla ukiut kingulliit 1.000-it missaasa ingerlanerini 20-riarluni innermik anitsisimavoq, taakkunanngalu arfinillit kisimik annertusimapput, soorlu innermik kingullermik 1918-imi anitsivimmat taamaattoq. Taamaammat Katlap innermik tulliani anitsinissaa Eyjafallajökullip anitsineratulli immaqa annertutigissaaq, immaqaluunniit annikinnerussalluni, Rikke Pedersen Berlingske Tidendemut oqarpoq.
- Innermik anitsisup teqqalatitai piinnarlugit timmisartuussinissat amerlavallaat uanga isumaga naapertorlugu taamaatiinnarneqarput, oqarpoq.
- Ulloq ataaseq marlulluunniit timmisartuussinissat amerlavallaat taamaatiinnarneqarput, kukkusumik naatsorsuisoqarnera pissutigalugu, aamma oqarpoq.