Katersuiniarnissarsuaq kinguartinneqarpoq

Kalaallit Nunaanni meeqqanut nuna tamakkerlugu katersuiniarnissarsuaq, Nuummi sapaatip akunnerata naanerani ingerlanneqartussaagaluaq, atisanik takutitsinermik nipilersornermillu ilaqartussaq, taamaatinneqarpoq.
maajip 05-at 2009 06:57

Bilitsit tunineqartut ikippallaarmata ukiaru pisussanngorlugu kinguartinneqarpoq.

Katersuiniarnissarsuarmut suliniuteqartoq, Nanubørn, aviisimut Sermitsiamut oqarpoq, suleqataasut, aningaasaliisut aliikkusersuisussallu tamarmik takutitsinissap katersuiniarnissallu ukiamut kinguartinneqarnissaa tapersersoraat.

Bilitsinik tunisaqarpallaannginnermut tunngavilersuutigineqarpoq apersortinnerup maanna naligimmagu, taavalu Inatsisartunut qinersingajalernerput immikkut aamma ulapputigineqarmat, aaqqissuisullu oqarnerat naapertorlugu bilitsinik tuniniaanissamut piffissaqarpiarsimanngillat.