Katersuiniarnersuaq iluatsilluarpoq

HIV-mik AIDS-imillu Afrikami eqqugaasimasut pillugit Danmarkimi ippassaq katersuiniartoqarmat. Isertitat 52 millioni koruuniupput.

Katersuiniarneq oqarasuaatikkut angallattakkakkut sms-erluni taavalu qarasaasiakkut e-mailerluni ingerlanneqarpoq, namminersortut suliffeqarfiillu soqutiginneqalutik peqataaffigisaannik:

- Meeqqat 2 millioninit amerlanerit ullumikkut tunillatsinnikuupput, tassa Danmarkimi meeqqat amerlassusaasa marloriaataasa missaat,

sulilu amerlanerit tunillatsinnissaat pinaveersartikkoqaarput.

52 millioni koruunillu ajunngeqaat, Danmarkimi katersuiniarnersuarmi oqaaseqartartoq, Mogens Damgaard, oqarpoq.

- Naatsorsuutigigaluarparput annerpaamik 30 millioni koruunit katersussallutigik, taamaammat ilimagisatsinnit amerlanerummata tulluusimaqaagut, Mogens Damgaard oqarpoq.

Katersuiniarneq maani Kalaallit Nunaanni malinnaaffigiosimagukku ikiorseerusullutillu, suli kingusinaanngilatit! Ikiorseerusukkuit – annerusumik minnerusumilluunniit- allakkerisarfikkut iluatsitsisinnaavutit – tassa giro 9541 1047000 atorlugu. Normu taanna nittartakkatsinnut erniinnannguaq ilissavarput.