Katersuiniarnermit isertitat naammagisimaarpaat
Peqatigiiffiup Kalaallit Meerartaata Glostrupimi arfininngormat assammik arsarnermik aaqqissuussineranit, aningaasat 35.000 koruunit isertinneqarput.
Allattoq Louise M. Kleemann
februaarip 01-at 2010 09:14
Nerisassanik tuniniaanermit isertitat kisinneqarpata isertitat katillugit 50.000 koruunit missaanniissasut, allaffimmi pisortaq Tina Frausing oqarpoq.
Tina Frausingip erseqqissarpaa, aningaasanik katersuiniarnerup saniatigut, peqatigiiffiup Danmarkimi ilisimaneqarnerulernissaa aaqqissuussinermut siunertarineqartoq.
- Aaqqissuussinermi bilitsit tamarmik tunineqarput, taamaattumik angusagut naammagisimaarpavut, Tina Frausing oqarpoq.
Mads Mikkelsen, Jan Gintberg, Erik Veje Rasmussen Rasmus Lyberthilu aaqqissuussinermi peqataasunut ilaapput.
Aaqqissuussinermut atatillugu Glostruphalimut isertut 1.000-it missaannipput.
Ilaqutariinnik attaveqartarnissamik suliniut aningaasanik katersinermut siunertarineqarpoq.
