- Displaced tassaavoq inuup sorlaanik, atassuteqarfigisaanik, oqaasiinik inuunerminilu attuumassuteqarfigisaanik peersinermik, sumiiiffigisamik kulturimillu annaasaqarnermik, kisianni aamma piginnittuussutsimik utertitsinermik oqaluttuartoq, katersugaasivik allappoq.Assi: Grønlands Nationalmuseum

Katersugaasiviup meeqqat Danmarkimi angerlarsimaffiup avataanut inissinneqarsimasut saqqummersikkai

Saqqummersitsineq ilaatigut Davimut, Nanortalimmi inunngorsimasumut Danmarkimullu 1950-ikkunni kisimiitsillugu aallartinneqarsimasumut ilaatigut tunngassuteqassaaq.

Nunatta Katersugaasivata saqqummersitsineq ”Displaced” (Nuutsitaq aaq.) Nuummi tallimanngorpat ammassavaa.

Saqqummersitsineq David Samuel Naeman Josef Kristoffersenip oqaluttuarisaaneranut tunngavoq. Taanna Nanortalimmi 1946-mi inunngorpoq.

Taanna meeraalluni 1950-ikkut aallartisimalerneranni Danmarkimut kisimiilluni aallartinneqarpoq, Nunatta Katersugaasivia tusagassiuutinut nalunaarummi allappoq.

David sumik pissuteqartumik ilaquttaminit peersinneqarluni Danmarkimut aallartinneqarnerminik ilisimatinneqanngilaq.

Taannali kalaallinut 22-nut misileraatigineqartunut danskit ministeriuneranit utoqqatserfigineqarnissamik neriorsorneqarsimasunut ilaanngilaq.

AAMMA ATUARUK Meeqqat misilittaatigineqarsimasut utoqqatserfiginissaat kinguarteqqinneqarpoq

Katersugaasiviulli taanna kinguaariinnut Danmarkimut aallartinneqarsimasunut ilaasoq erseqqissaatigaa.

- Displaced tassaavoq inuup sorlaanik, atassuteqarfigisaanik, oqaasiinik inuunerminilu attuumassuteqarfigisaanik peersinermik, sumiiiffigisamik kulturimillu annaasaqarnermik, kisianni aamma piginnittuussutsimik utertitsinermik oqaluttuartoq, katersugaasivik allappoq.

David Samuel Naeman Josef Kristoffersen Nanortalimmi ullumikkut najugaqarpoq, taassumalu saqqummersitsinerup annikinnertaa Nanortalimmi Katersugaasivimmi takutinniarpaa.

- Davidip oqaloqatigisarneratigut, Naalagaaffiup Toqqorsiviani pappialat allattukkat misissornerisigut kiisalu najukkani inuinnarnilu assit nassaariortornerisigut najugaqartitaanermini tamatumalu kingunerinik oqaluttuarisaanera paasinarsiartorpoq, nunatta katersugaasivia paasissutissiivoq.

Saqqummersitsinermi assit, videoliat, nipillu ”oqaluttuarisaanermit, pinerluttulerinermit politikkikkullu illerngit, sinnikut uppernarsaatillu” atorneqartut, katersugaasivik allappoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat