Katersat millionip tungaanut ingerlaarput

Haitimut Nunatsinnit katersuiniarneq suli ingerlalluarpoq. Aningaasat 720.000 koruunit Kalaallit Røde Korsiata kontoaniilerput.

- Aningaasanik kontotsinnut ikisoqartuarpoq, Kalaallit Røde Korsiani allaffeqarfiup pisortaa, Kirsten Mortensen, Sermitsiaq.AG-p nittartagaani issuarneqarpoq.

Aqqissuussinerit assigiinngitsut aningaasanik isertitsilluarfiujuarput.

Nuummi sapaatip akunnerata naanerani arsaattoqarpoq, aningaasallu isertinneqartut 20.700 koruunit Haitimut tutsinneqarput, Greenland Venture pingaarnertut aningaasaliisuuvoq, checkilu Kalaallit Røde Korsianut Katuami pingasunngormat tunniunneqarpoq.

Tasiilami nalunaaquttap akunnerini pingasuni tusarnaartitsisoqarmat 10.000 koruuningajalluinnaat isertinneqarput.

Nuummi Katuami unnugu aamma tusarnaartitsisoqassaaq, aliikkusersuissapput Nina, Zikaza, Aalut, Kalak, Naneruaq aamma Qarsoq. Aliikkusersuineq nalunaaqutaq qulingiluanut aallartissaaq unnuarulu nalunaaqutaq ataatsimut naammassissalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat