Katersat 600.000 koruuninngorput
Kalaallit Rødekorsianni nuannattunnguupput. Tassami katersuiniarnermi aningaasat 600.000 koruunit anguneqarsimalermata.
Allattoq Apollo Jeremiassen
februaarip 02-at 2010 10:05
Illoqarfinni arfinilinni sapaatiummat illunut naasaalluni katersuinermi aningaasat 71.000 koruunit katersorneqarsimasut, ullumi Røde Korsip nalunaarutigaa: Sumiiffinni tamagajanni anorlernera pissutigalugu katersuinerlu sivikillineqarisimagaluartoq, taama amerlatigisunik katersisoqarsimasoq.
Brugsenillu katersuiniartitsinermini aningaasat 23.120 koruunit ulloq manna tikillugu katersorsimalereerpaat, taakku katersugaapput sapaatip akunnerata atatsip iluinnaani.
Aningaasat katersukkat suli amerlinerusinnaappu. Tassami sumiiffinni arlalinni katersuiniarnerit febtruaarip 28-ata tunmgaanut ingerlasussaammata.
