Katerlaat Canadamiittut nassaareriikatappaat

Aammaasit nassaareriikatappaat. Prins Joachim nuliartaavalu prinsesse Marie tusagassiortunut toqqorterniarlutik aallakassammata aamma tassa nassaareriikatappaat. Aappariit katinnerminnut atatillugu angalasut Canadamiittut nassaarineqartut, aviisip Se og Hørip nittartagaani allaaserineqarpoq.

Canadap illoqarfissuisa ilaanniit Vancouverimiit qaatsiartaammut ilaalluni akunneq ataasingajaap ingerlanerani tikinneqarsinnaasumi aappariit hotelimi akimaqisumi najugaqarnerarpaat. Ullullu sisamat tassaniissasut allaaserineqarluni.

Najugaallu taanna ilisimaneqarpoq katerlaanut orniguffigineqartartuusoq, katerlaat atugartuussutsimiit ulluinnarnilu nipiliorfiusumiit eqqissisimaniarlutik ornikkusuttarsimasaat.

Katerlaat sumut ingerlaqqissanersut suli ilisimaneqanngikkallarpoq, aviisilli Se og Hørip naliliinera naapertorlugu aappariit katinnerminnut atatillugu angalanerisa piffissaata sinnera Canadamiiginnarnissaat ilimagineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat