Kastruppimi pissutsit qatsulluinnarpaat

Allattoq Najaaraq Egede
juulip 04-at 2006 17:11

Takornarissanik angalatseqatigiiffiit Københavnip mittarfiani pissutit qatsulluinnarpaat.

Isumannaallisaaneq pissutigalugu nassatanik misissuineq sunik tamanik kinguaattoortitsingaarmat, angalaniat timmisartoq ilaaffissartik angumerisinnaanerlugu naatsorsuutigisinnaasanngilaat.

Angalatitseqatigiiffik Star Tour, Danmarkimi annersaasoq My Travel aamma Sterling peqatigalugit taarsiiffigitinnissamik Kastruppimut qinnuteqalersaarpoq.

Tassami aasaanerani angallanneq tallimanngorpamiit juulip arfineq-aappaaniit ataasinngorneq juulip qulingat ilanngullugu annertusissaaq, angalaniat imaaginnalivittussaallutik.

Naatsorsuutigineqalereerpormi 75.000-t Københavnip mittarfianik ulluni taakkunani aqqusaarinnissasut, nalinginnaasumik angalanianit 30 procentimik amerlanerussallutik.