Kastrupimi suliumajunnaarneqarpoq

Københavnip mittarfiani Kastrupimi sulisut ullaarmanna sulinerminnik unititsipput.
Allattoq Jaaku Lyberth
februaarip 03-at 2011 09:28

Suliumajunnaarneq isumaqatigiissutit malillugit unioqqutitsinerusoq, suliunnaarnerup kingorna akissarsiat naalakkersuisunit atorunnaarsinniarneqarnera suliumajunnaarnermut pissutaatinneqarpoq.

Suliumajunnaarnerup kinguneranik timmisartuussinerit kinguaattoorfiullutillu taamatitinneqarput.

Timmisartut 100-it Københavnimit Københavnimullu timmisussaat Danmarkip nalunaaqutaa malillugu nalunaaqutaq ataatsip tungaanut eqqugaassapput. Ataatsip kingorna suliumajunnaartut sulinerminnik aallaartitseqqissanersut suli nalornissutigineqartoq, Københavnip mittarfiani tusagassiinermik pisortaq Søren Hedegaard Nielsen ritzau-imut nalunaarpoq.

Timmisartoqarfiup ingerlanneqarnerata ingerlaannarnissaa anguniarlugu, Københavnimi mittarfeqarfik timmisartuutileqatigiiffinnik suleqateqarniarpoq.

Taamaakkaluartoq suliumajunnaarnerup kingunerisaanik timmisartoqarfiup ingerlanneqarnerani naliginnaasumik ingerlanneqartut ilaat eqqorneqassapput.

Timmisartut angalanissaannik kinguaattoornerit taamaatitsinerillu ullup ingerlanerani piumaartut tusagassiuutinut nalunaarummi allassimavoq.

Suliumajunnaarnerup kingunerisaanik timmmisartut orsussaannik orsersuinerit, timmisartut aallannginnerini piareersaanerit nerisassasanik pilersuinerit eqqiaanerillu eqqugaassapput, København-imi mittarfeqarfiani tusagassiisartut pisortaat Søren Hedegaard Nielsen nutaarsiassaqartitsivimmi ritzau-imi issuarneqarpoq.

Akunnerit tulliuttut ingerlanneranni suliat arriitsumik suliarineqarnissaat ilimanarpoq, uggornaqaaq timmisartunut ilaasussat sallunaaveqqutitut tigusatut inissisinneqassammata, Søren Hedegaard Nielsen oqarpoq.

Københavnimit Københavninimiillu timmmisartut angalanissaat aammalu mittarfimmi pisut malinnaavigineqarsinnaapput, Københavnip mittarfiata nittartagaatigut tassalu cph.dk alakkarlugu.

Mittarfimmi sulisut suliumajunnaartut assigalugit bussini ingerlatsisut aammalu umiarsualivinni sulisut suliumajunnaarput.