Aappariit Nuummi umiarsualivimmi silaannakkut kuninnissaq kisiat periarfissaraat.Assi: KNR

Karline aamma Torben: Nuanninngilaq iliuuseqarsinnaanngilagulli

Aappariit Karline aamma Torben arlaata Ilulissanut apuunnissamik qulakkeerinissaa pissutigalugu immikkut angalapput. Torben Høyer Nuummit aallaqqusaannginneq pissutigalugu maanna aallarneq ajuleqqavoq.

Aappariit Ilulissani apersortitsinermut akunnerminnit peqataasoqarnissaanik qulakkeeriniarlutik Torben Høyer Qaqortumit timmisartukkut aallarpoq, taassumalu nulia Karline Høyer umiarsuarmut sinersortaammut Sarfaq Ittummut ilaalluni.

Torben Høyerili Nuummit avannarpasinnerusumukanngilaq, illoqarfiimmi pingaarnersaanni covid-19-imik tunillatsissimasunik tallimanik sapaatip akunnerata aallartinnerani paasisaqartoqarnera pissutigalugu aallartoqaqqusaajunnaarpoq.

AAMMA ATUARUK Nakorsaaneq: Coronavirusi tuniluutiasoq nunatsinnut anngussimagunarpoq

Sarfaq Ittuk Nuummut maanna tikippoq, nuliaasorli nioqqusaanngilaq, uiusorlu umiarsuarmut ikeqqusaanani.

- Eqqumiitsorujussuuvoq. Nuanninngilaq. Iliuuseqarsinnaanngilagulli, Karline Høyer Sarfaq Ittuup qaanit oqarpoq.

Taasuma uia umiarsuup saanit silaannakkut kunissivoq, tamannali piffissami matumani kunissinissamut eqissinissamullu periarfissatuaavoq.

Karline Høyer uiminut oqarpoq:

- Saninniinnak eqqumiitsorujussuuvoq.

Taassumalu uia akivoq:

- Aap, kisianni ima kunippakkit, silaannakkullu kunissilluni marluullutik illarput.

Aallaqqusinnginneq

Marlunngormat ulloq pisoqarfiungaatsiarpoq.

Tunillaassortunik nappaalanersuaqarneranut ataatsimiititaliarsuup illoqarfiit pingaarnersaanni tunillatsissimasut nutaat tallimat juunip ulluisa 14-iata 15-iatalu akornanni paasineqarnerisigut Nuummiit najugaqarfiusunut allanut angallanneq tamarmi erngertumik atuutilersumik unitsippaa.

Nuummiikkuit illoqarfiit pingaarnersaannit juunip ulluisa 22-at tikillugu aallaqqusaanngilatit.

Nuummi tuniluuttoqarnera pissutigalugu illoqarfiup ulluni sisamani matuneranit qaammat ataasiunngitsoq qaangiuppoq. Tassani imerniartarfiit, timersortarfiillu matupput timmisartullu angalajunnaarlutik.

Maannakkut timmisartukkut umiarsuakkullu illoqarfiit pingaarnersaannit angallannerit kisimik tuniluuttoqarneranit eqqugaapput.

Arctic Umiaq Linep Air Greenlandillu oqarnerat naapertorlugu inuit 921-t Nuummiit aallartoqarnissaanut inerteqquteqarnermit eqqugaaqqapput.

Isummersuutit

Nunatsinni coronavirusi pillugu
killiffik

Tunillatseqqasut 63  
Siullermik kapitissimasut 36.921  
Aappassaa kapitissimasut 26.924  
Misissorneqareersimasut 42.668  
Tunillanneqarsimasut 150  
Peqqisseqqittut 87  
Uninngasut 0  
Anersaartuuteqartitaasut 0  
Toqquteqartut 0  
nun.gl-imi titartaganngorlugit:
Kapitissimasut | Tunillatsissimasut
 
   Nutarterneqarpoq: 
Augustip 5-at 2021 nal. 10:45
 

Coronavirusimik tunillatsinissaq pinaveersaaruk