Karl Rove soraalerpoq

Rove-p tunuarniarnini aviisimit Wall Sreet Journalimit apersorneqarluni nalunaarutigisimafaa, BBC allappoq.

Rove qaammatip naanerani suliunnaassaaq.

Rove, 56-inik ukioqartoq, præsidentyip illorsuani, Det Hvide Husimi, siunnersuisartuusimasuni akerlilersuillaqqinnerpaallunilu pissaaneqarnerpaavoq.

Rove-p sulineranut atatillugu Amerikami oqartussaasut apriilimi misissuilerput, pasillugu naalagaafimmi atorfillit sulisut ilaat republikanerinut immikkut iliuuseqaqqullugit qinnuigisarsimagai

Rove inuunini tamaat repubilaneriulluinnartuusimavoq. Præsident Bush ilaqutaalu ukiuni 30-ngajanni sullissimavai. Maanna præsidentiusup George W. Buship angutaa, George H. W. Bush, 1970-ikkulli naalerneranni sullissimavaa, taassumali Rove soraarsippaa, paasissutissat allanut oqaatigineqaqqusaanngitsut tusagassiorfinnut ingerlateqqissimammagit.