Karl Marxip atuakkiaa tunisaaqqilerpoq
Aningaasaqarnikkut ajornartorsiorneq imaluunniit atuakkap mutinngoqqinnera pissutaasimanersoq nalunarluinnarpoq. Pineqartoq tassaavoq Karl Marxitoqqap aningaasarsioriaatsimik misissueqqissaaneranik atuakkiaa Das Kapital, maanna tunisaaqqilerluarsimasoq, atuakkanik saqqummersitsisarfik Diets Verlag taama ilisimatitsisoq, dr.dk-mi tamanna aallaaserineqarpoq.
oktobarip 21-at 2008 16:56
Saqqummersitsisarfiup atuakkat 1.500-t ukioq manna tunisimavai, qaammatinilu kingullerni 200-t tunisimallugit. Assersuusiussagaanni Das Kapital 200-nngorlugu ukioq 2003 tamaat tunineqarpoq.
- Soorunami kisitsit annertugisassaanngilaq, kisianni piumaneqarnerujartorpoq, pingaartumik inuusuttut akornanni. Nunarsuarmi aningaasaqarnikkut ajornartorsiulerneq pissutaaqataalluinnarpoq, tuniniaasoq Jörn Schuetrumpf oqarpoq.
Das Kapital – danskisuunngorlugu Kapitalen – imik nutserneqarsinnaasoq siullermeerluni 1867-imi saqqummerpoq, tassaappummi atuagarsuit qarmasissiatut issutigisut pingasut.
Marx-ip Engelsillu aningaasarsiorneq pillugu nassuiaasiarsui socialistit kommunistillu qanga toqqammavissamissut atortarsimavaat.
