Karl Lyberth soraarsitaannginnermini nammineerluni tunuarpoq

Aalisarnermut, Piniarnermut Nunalerinermullu Naalakkersuisutut Karl Lyberthip tunuarnera ullumi tusagassiortunik katersuutsitsinermi tusarliunneqarpoq.
Allattoq Knud Reimer
januaarip 06-at 2014 11:36

Tassa piffissami kingullermi partiip naalakkersuisoqataasup Atassutip naalakkersuisunullu tunuliaqutaasup Partii Inuit sinniisaata tatiginnikkunnaarnerarlutik oqaaseqartareersullu Karl Lyberth nammineerluni tunuarniuteqarpoq. Tassa Atassutip tatiginnikkunnaarnerata kinguneranik Karl Lyberthimut kanngutsiummernassaqisumik soraarsitsisoqartinnagu taama pisoqarnera ilimanaateqarpoq.

Knr.gl naapertorlugu Karl Lyberthip taartsissaa tassaavoq Finn Karlsen, siornatigut aalisarnermut naalakkersuisutut issiareersimasuusoq. Taassuma naalakkersuisuunerata nalaani aalisarnermut tunngassutillit qassiiliutaasimagaluaqisut maanna taarsiunneqarnera partiit naalakkersuisooqataasut Siumut aamma Atassummeersut matumuuna ajoriffissaqartinngilaat.

Naalakkersuisumut taartaasussaq Inatsisartut januaarip 27-iani immikkut ataatsimiisinneqarpata akuersisoqarlunilu ivertinneqarsussanngorpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk