Karl Lyberth: Nunaqarfimmiut Maniitsumut suliartortariaqarput

Aamma isumaqarpoq, uanga maani nunaqarpungamik oqartarneq unitsittariaqartoq. Aningaasarsiorfigineqarsinnaasulli orninneqartariaqarnerarlugit.

- Nalunngilarput soorlu maani Maniitsumi suliffissaqarniarneq pitsaanerusoq, Karl Lyberth, radioaviisimut oqarpoq. Nangillunilu, siulivut uumaannarsimasinnaapput periarfissarissaarnerusunut nuuttarnermikut. Piniarfiluleraangat taava nuuttarput uummannarumallutik.

Siulivut taamaliorsimammata, tassa imaappa aningaasarsiorfiusinnaasut maannakkut inuusut isiginiartariaqaraat:

- Isertitaqaranimi uummaniartoqarsinnaanngilaq. Tamanna nunarsuarmiunut tamanut aamma atuuppoq, Karl Lyberth oqarpoq.

Nutsertoqarpat nunaqarfiit isorliunerusullu inuerusagaalissannginnerlutik:

- Inoqarfiit ilai piutinniaannarlugit piutissinnaanngilavut, Karl Lyberth oqarpoq.