Karl-Kristian Krusep Danmarkimi aalisakkanik akitsorterussisarfik alakkaraa

Tassalu aalisarnermut, piniarnermut nunalerinermullu naalakkersuisoq Karl-Kriatian Kruse aalisakkanik akitsorterussisunut aqqusaarmat.

Danskit aalisakkanik akitsorteriffiannut taanna aatsaavissuaq takuniaavoq, Danmarkimi paasisassarsiorluni angalaneranut alakkaanera ilaasoq, nittartagaq skipperposten.dk allappoq.

Skipperposten naapertorlugu naalakkersuisunut ilaasortap Danmarkimut Hirtshalsimullu angalanera siunertaqarpoq paasiniassallugu aalisakkanik akitsorterinerit qanoq ingerlanneqartarnersut.

Nunatsinni aalisakkanik akitsorterisarfeqanngilaq, taamaattumik Kruse angalaqatinilu alakkarterinerminni isumassarsiorumallutik paasiniaaqqissaarput, taamaakannersunik aamma Kalaallit Nunaanni ingerlatsisoqarsinnaassanersoq.

Hirtshalsimi aalisakkanik akitsorterisarfiup saniatigut Karl-Kristian Krusep Polar Seafoodip Royal Greenlandillu Aalborgimi immikkoortortaqarfii aamma alakkarpai.