Karl Kristian Kruse politikkikkut oqaaseqartartunngorpoq
Per Berthelsen isumaqarpoq tusagassiutit KNR ilanngullugu piaaralutik eqqunngitsumik Per Berthelsen issuarsimagaat. Taassumalu kingorna aalajangersimavoq Facebook-imiinnaq oqaaseqartalerniarluni.
Aleqa Hammondip uggoraa Per Berthelsenip aalajangiussaa, taamaakkaluartoq aalajangiussaq ataqqillugu.
- Aap, aalajangiussimavaa aamma Perip kissaatigivaa politikkikkut oqaaseqartartuuneq allamut tunniunneqarnissaanut. Taannalu nutaajunngilaq, ilaanikkooriarluta taamaattarpugut. Oqaaseqartartugut nikisittarpagut, isumaqarpungalu ullumikkut oqaaseqartartuuffipput tamatta ataatsimoorfigigipput. Karl-Kristian Kruse inuusuttatta ilaat oqaaseqartartutut tamarmiusuni taperserneqarluni ivertinneqarpoq.' Aleqa Hammond Siumut gruppiani ataatsimiisitsereerluni ilaatigut taamak oqarpoq.
