Karl Kristian Kruse New Yorkimi sinniisoqarfeqarusuttoq
Siumut USA-mi Kinamilu sinniisoqarfeqalernissamik kissaateqarnera tusagassiutitigut eqqartorneqangaatsiartoq, marlunngornermi aviisi berlingske allappoq.
Kinami sinniisoqarfeqalernissamut suliaq naalakkersuisut siornali sulissutigaat.
AAMMA ATUARUK Naalakkersuisoqatigiit Kinami sinniisoqarfeqalerusupput
New Yorkimili sinniisoqarfeqalernissaq maanna nutaatut naalakkersuisooqatigiinni partiip Siumup kissaatigigaa, Nunanut allanut tunngasutigut naalakkersuinikkut ingerlatsineq pillugu partiip oqaaseqartartuata, Karl Kristian Krusep inatsisartut ukiaanerani ataatsimiinneranni oqaatigaa. Nunarput USA-mi Washingtonimi sinniisoqarfeqareerpoq, taamaattorli New Yorkimi aamma sinniisoqarfeqalernissaa Siumut kissaatigaa.
- Massakkumut annertugisassaanngitsumik ingerlavoq. Kisianni nunatta pisuussutai eqqarsaatigalugit annertunerusumik aningaasarsiutigineqarnissaata alloriarfissarsiuusinissap malittaanik pinngortsoorneqarsinnaanngitsutut isigisimavarput, massakkut New Yorkimi pilersitsinissamut suliami naapertuuttoqarpat, Washingtonimi sinniisoqarfipput nikisinngikkaluarlugu. ataatsimut siunertaa tassaassaaq nunatta pisuussutaanik annertunerusumk aningaasarsiornissamut takkua nittarsaassissasut, Karl Kristian Kruse itisiliivoq.
Suli pilersaarutaanngilaq
Taamatut siunnersuuteqarnermut ilaatigut nunatta USA-llu akornanni niuerneq New Yorkimi ingerlaneqarnera tunngavilersuutigaa.
New Yorkimi sinniisoqarfeqalersinnaanermut tunngatillugu naalakkersuisoq Ane Lone Bagger erseqqissaavoq taamaaliortoqassanersoq suli pilersaarutigineqanngitsoq.
- Soorunalimi naalakkersuisuninngaaniit periarfissat assigiinngitsut sinniisoqafimmut atatillugu nalilersortuaannarpagut, aamma nalilersuinitsinni ilaassaaq soorunalimi piviusorsiornersoq immaqaluunniit piviusorsiunnginnersoq.
AAMMA ATUARUK USA-mut aqqut nutaaq Sulisitsisunit tigulluarneqarpallaanngilaq
Kisianni Kinami sinniisoqarfeqalernissaq Naalakkersuisut sulissutigaat.
Kinami sinniisoqarfeqarfiulersussap nunatta kinalu akornanni aalisakkanik niuerneq ineriartortissagaa, ilinniartitaanermut, kultureqarnermut, ilageeqarnermut nunanullu allanut naalakkersuisoq oqarpoq.
Kinamilu 2021-mi sinniisoqarfeqarfissaq pilersinneqarsinnaasoq, naalakkersuisoq oqarpoq.
Pilersitsiniarneq danskit nunanut allanut ministeri Jeppe Kofod (S) ilassilluarlugu qallunaat tusagassiutannut oqarpoq.
- Kalaallit Nunaata avammut niuerneranut iluaqutaassaqimmat Kalaallit Nunaatalu nunarsuarmiooqataanera tassuuna takuneqarsinnaalissammat, taamaammat tapersersuiinnarsinaavugut, taanna berlinskemut oqarpoq.
