Karl-Kristian Kruse avannaani angalasoq

Aalisarnermut, Piniarnermut Nunalerinermullu Naalakkersuisoq Karl-Kristian Kruse Ilulissanut, Uummannamut Upernavimmullu januaarip 13-ianit 21-anut angalassaaq.
Naalakkersuisoq for fiskeri, Karl-Kristian Kruse.
Allattoq Simon Uldum -
januaarip 15-at 2015 05:43

Illoqarfinni tikitamini KNAPK-ip immikkoortortaasa sinnissaannik ataatsimeeqateqassaaq, soorlu aamma SQAPK-ip Ilulissani sinniisaanik aamma ataatsimeeqateqassasoq. Tikitamini innuttaasunik aamma ataatsimiititsisassaaq.

Naalakkersuisunut ilaasortap tikitamini Royal Greenlandip suliffissui aamma pulaartassavai, Ilulissani aamma Halibut Greenland pulaassallugu, kilisaataatillit aamma pulaarneqassallutik, Naalakkersuisut.gl taama allaaserisaqarpoq.

Aajuku aalisartunik innuttaasunillu ataatsimiititsiffissai:

  • Ilulissat, marlunngorneq, januaarip 13-iani: Ilulissani aalisartut innuttaasullu soqutiginnittut Katersortarfimmi ataatsimeeqatigissavai, ammasumik ataatsimiititsineq nalunaaqutaq 19.00-mit aallartissalluni. Ataatsimiinneq aalisarnermut tunngasuussalluni.
  • Upernavik, pingasunngorneq, januaarip 14-iani: Upernavimmi aalisartut innuttaasullu soqutiginnittut Innuttaasut Illuanni ataatsimeeqatigissavai, ammasumik ataatsimiititsineq nalunaaqutaq 16.00-mit aallartissalluni. Ataatsimiinneq aalisarnermut tunngasuussalluni.
  • Uummannaq, arfininngorneq, januaarip 17-iani: Uummannami  aalisartut innuttaasullu soqutiginnittut Atuarfiup aulaani  ataatsimeeqatigissavai, ammasumik ataatsimiititsineq nalunaaqutaq 19.00-mit aallartissalluni. Ataatsimiinneq aalisarnermut tunngasuussalluni.