KNR pillugu nutaarsiassat

KNR Karl-Henrik Simonsen KNR-imi pisortanngussaaq 1. april 2016

KNR-imi siulersuisut Karl-Henrik Simonsen ulloq 1. april 2016 atorfinittussanngorlugu pisortassatut nutaatut isumaqatigiissuteqarfigaat.
Allattoq Paasissutissat KNR / KNR Info
januaarip 04-at 2016 13:27

– Siulersuisuni Karl-Henrik Simonsenip KNR-ip pisortassaatut atorfinitsinneratigut qilanaarpugut KNR-imi piorsaanerup ingerlateqqinnissaanut, siulersuisuni siulittaasoq Nukaraq Eugenius ilisimatitsivoq nangillunilu: – Siulersuisuni isumaqarpugut Karl-Henrik inuk taannaasoq KNR-imi pisortatut suliassamik oqimaatsumik kivitsisinnaasoq, aammalu taannaasoq kalaallit eqqarsariaasiat kulturiallu tunuliaqutaralugu KNR-ip ineriartortinnerani siuttuusinnaasoq. Inuiaqatigiinni inuussutissarsiornikkut ingerlaneq nalunngilluarpaa nunarsuarmilu avatangiisitsinni pisunut malinnaanermigut KNR-ip inuiaqatigiinnut kalaallinut tusagassiornikkut pitsaanerpaamik kiffartuussiuarnissaa isumagissallugu.

Karl-Henrik Simonsen maannakkut TELE-POST-imi sulisoqarnermut pisortaavoq, tassanilu atorfeqarsimalluni 2006-imili. Siornatigut politiit iluanni Karl-Henrik ukiorpassuarni sulisimavoq politiinspektøriulluni qimannissaata tungaanut.

Nukaraq Eugenius
KNR-imi siulersuisut siulittaasuat

 

Aamma atuaruk

KNR pillugu nutaarsiassat

Eqqaaniut: Elna Egede, nunatta tusagassiortua sapiitsoq, toquvoq

Tusagassiuutinut nalunaarut: KNR-ip siunissamut ineriartornera iliuuseqarusunnerlu

KNR pillugu nutaarsiassat

KNR-imit Anita Cramer Corpas KNR-ip nutaarsiassaqartitsiviani pisortanngussaaq