Karin Holler peqqissaasunut siulittaasunngorpoq

Peqqissaasut Kattuffiat Nuummi immikkut ittumik sapaatip-akunnerata naanerani ataatsimeersuartitsimmat, kattuffik nutaamik siulittaasortaarpoq. Taamaalilluni ukiuni arfinilinni kingullerni siulittaasuusoq Birtha Bianco naggataarpoq, Karin Hollerimillu taarserneqartussanngorluni.
Allattoq Mads Lynge
apriilip 02-at 2008 05:15

Karin Holler peqqissaasutut ilinniarsimasuuvoq, aqutsinermut kulturimullu tunngasunik ilinniaqqissimasuulluni ilaatigut Syddansk Universitetimiit.

Karin Holler siulittaasutut Peqqissaasut Kattuffiata allaffianut ikkutissaaq juulip aallaqqaataani. Tungaanullu siulittaasup tullinngortoq Annette Maahr Hansen siulittaasuugallassaaq.

Birtha Bianco ukiut arfinillit siulittaasooreerluni tunuarnerani peqqissaasoqatiminit, ippassaq ataatsimeersuarnermut atatillugu ilasseqatigiinnermi, qujaniarfigineqaqaaq.