Karadzicip eqqartuussivimmi sassarnissani nalunaarutigaa
Bosniami serberit siuttorisimasaat Radovan Karadzic sorsunnermi pinerluuteqarsimasut eqqartuussivianni eqqartuunneqarnerminut atatillugu aqagu sassarumaartoq, Karadzicip inatsisitigut siunnersortaasa ullumi nalunaarutigaat.
Allattoq Mads Lynge
Karadzicip eqqartuussineq ulloq manna tikillugu peqataaffigiumanngilaa, eqqartuussinerullu qaammatinik qulingiluanik kinguartinneqarnissaa piumasaralugu.
Imminut illersornissaminut piareersarusunnini pissutigalugu eqqartuussineq kinguartikkusukkaluarpaa, eqqartuussinermulli sooq maanna sassarusulersimanersoq, eqqartuussisuserisut oqaatigerusunngilaat.
Karadzic musliminik kroatiarmiunillu 1992-ip 1995-illu akornanni toqoraasimasutut unnerluutigineqarpoq.
Karadzic eqqartuussinermi najuutinngikkaluarluni eqqartuunneqarsinnaasoq, sorsunnermi pinerluuteqarsimasut eqqartuunneqartarfianni eqqartuussisuserisut oqaatigereerpaat.