Kapisillit qalipanneqarsimasut Danmarkimi paasineqarput

Aalisakkanik tuniniaasartut arlaqartut nitritinik pisisimasut paasineqartut, aviisi B.T taamatut allaaserisaqarpoq.

Aalisakkanik tuniniaasartut nitritinik pisinerminnut nassuiaatigaat, nitrit aqqusinermut tarajorterinerminnut atortarlugit.

Kapisillit pujuukkat tuniniarneqartut misissorneqarneranni qulakkeerlugit paasineqarpoq, nitrit kapisilinnut tarngunneqarsimasut, inuussutissanik nakkutilliisut pisortaat Michael Rosenmark oqarpoq.

Aalisakkanik tuniniaasartoq Vega Salmon Esjbergimeersoq kapisilinnik 285 tonsinik oqimaassuseqartunik taratsunik nitritinik akulinnik taniisimanera pissutigalugu 1 millioni koruunimik akiliisussanngortinneqarpoq.

Aalisakkanik tuniniaasartoq alla aamma Esbjergimeersoq Polar Salmon 100.000 koruuninik akiliisussanngortinneqarpoq.

Kapisillit pujuukkat nitritink akulinnik tarajulersorneqarsimasut, amerlanersaat nunanut allanut tunineqartarput, amerlanerit Australiamut tunineqarlutik.

Danskit inuussutissanut ministeriat Henrik Høegh ajuusaarpoq.

- Aalisakkanik tuniniaasartut iliuusaannut ajuusaartorujussuuvunga, taamaaliornikkut danskit aalisakkanik tuniniaasartui ajoquserneqalerput, Henrik Høegh oqarpoq.