Kapisillit nalunaaqutaat akissarsissutigaa
Akissarsiassaq kapisillit nalunaaqutaannik nassiussisimasut tamarmiusut akornanni makitsinikkut tunniunneqartarpoq. Per Nukaaraq Hansen NASCO-miit checkimik 1.500 $ aningaasartalimmik pissarsivoq. Kattuffik, NASCO (North Atlantic Salmon Conservation Organistation), ukiut tamaasa akissarsisitsisartuuvoq.
Kapisilinnut nalunaaqutsiussaq kapisilimmit Canadami Restigouche Riverimi 2008-mi nalunaaqutsiunneqarsimasumeersuuvoq.
NASCO kattuffiuvoq Atlantikup Avannaani kapisilinnik nujuartanik piujuaannartitsinissamik kissaateqartoq. Kapisillit nalunaaqutserneqartarput qanoq siaruartigisimanerat ingerlaartarnerallu pitsaanerusumik ilisimasaqarfigilerumallugit.
Kapisilinnut nalunaaqutsiussat Kalaallit Nunaani Pinngortitaleriffimmut nassiunneqartassapput.