Kapisillit nalunaaqutaannik nassiussinini akissarsissutigaa
Atlantikup Avannaata Kitaani Aalisarneq Pillugu Suleqatigiit, NASCO-mik naalisarneqartartoq, ukiut tamaasa akissarsisitsisartuupput.
Aalisarnermut, Piniarnermut Nunalerinermullu Aqutsisoqarfik taama nalunaarpoq.
Maasinnguaq Mølgaard checkimik 1.500 dollarimik aningaasartalimmik, tassa 8.000 koruuninik, NASCO-miit pissarsivoq. Kapisilinnut nalunaaqutsiussaq kapisilimmit Canadami Restigouche Riverimi 2007-imi nalunaaqutsiunneqarsimasumeersuuvoq.
NASCO kattuffiuvoq Atlantikup Avannaani kapisilinnik nujuartanik piujuaannartitsinissamik kissaateqartoq. Kapisilinnik nalunaaqutsersuisarnermik pilersaarut NASCO-mit ingerlanneqarpoq, kapisillit nalunaaqutaannik utertitsinissamut kaammattuiniarluni pitsanngorsaaniarlunilu. Kapisillit nalunaaqutserneqartarput kapisillit qanoq siaruartigisimanerat ingerlaartarnerallu pitsaanerusumik ilisimasaqarfigilerumallugit.
NASCO-mi ukiumoortumik ataatsimeersuartoqaraangat kapisilinnik nalunaaqutsersuinermik suliniummut atatillugu akissarsisitsisoqartarpoq.