Hirtshals Seafoodip aalisakkanik tunisassiai Danmarkimi Inuussutissalerinermut Oqartussaaffimmit sapaatit-akunnerani kingullermi aamma uterteqquneqarput.

Kapisillit kissartumik pujuukkat listeriamik akoqaratarsinnaasut

Utertikkit imaluunniit igikkit, nunatsinni Inuussutissalerinermut Oqartussaaffik taama inassuteqarpoq.

Brugsenip pisiassaatini kapisillit kissartumik pujuukkat Hirtshals Seafood A/S-imit tunisassiat bakteriamik listeriamik taaneqartartumik akoqaratarsinnaammata nioqqutissaatiminit peerpai.

Nunatsinni Uumasunut Naskorsaqarfik Inuussutissalerinermullu Oqartussaaffik tusagassiutinut nalunaarummini taama allappoq.

Tunisassiat pineqartut pingasuusut ukuupput: 

- Kapisillit kissartumik pujuukkat chilimik mamarsaasikkat, taakkulu atornissaannut ullut killiliussat tassaapput novembarip ulluisa 29-at decembarip ulluisa qulingat ilanngullugu. 5701379110646-mik EAN-normoqarput 100 grammiullutillu.

- Kapisillit kissartumik pujuukkat ramsløgimik mamarsaasikkat, taakkulu atornissaannut ullut killiliussat tassaapput novembarip ulluisa 22-at decembarip ulluisa qulingat ilanngullugu. 5701379110165-imik normoqarput 100 grammiullutillu.

- Kapisillit aserortikkat kissartumik pujuukkat, taakkulu atornissaannut ullut killiliussat tassaapput 2019-imi novembarip ulluisa 19-iat, 22-at, 29-at aamma decembarip ulluisa pingajuat arfernallu. 5701379131108-mik EAN-normoqarput 125 grammiullutillu.

Tunisassiat taakku igikkit utertillugilluunniit

Kapisilinnik kissartumik pujuukkanik nillataartitsivimmiittuuteqaruit pisiniarfimmut taakkuninnga pisiffigisimasannut utertissagitit igissagitilluunniit nunatsinni Uumasunut Nakorsaqarfik Inuussutissalerinermullu Oqartussaaffiup ilisimatitsissutigaa. 

Bakteria listeriamik taaneqartartoq ilaatigut ima napparsimalissutaasinnaavoq:

- Nuallunnermut ersiutinut assingusunik atugaqarneq, kissarneqarneq niaqorlunnerlu taamatuttaaq akuttunerusumik inalukkatigut ajornartorsiuteqarneq, nunatsinni Uumasunut Nakorsaqarfik Inuussutissalerinermullu Oqartussaaffik taama allappoq.

Hirtshals Seafoodip aalisakkanik tunisassiai Danmarkimi Inuussutissalerinermut Oqartussaaffimmit sapaatit-akunnerani kingullermi aamma uterteqquneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat