Genit kapisilimmit Chinookimeersut Kapisillip Chinookip genii atorlugit kapisillit atlantikut imartaaneersut sukkanerusumik alliartortarput nalinginnaasumiillu anginerulertarlutik.Assi: Bureau of Land Management Oregon and Washington/Flickr

Kapisillit genimikkut allanngortitikkat Canadami tuniniarneqarsinnaanngortut

Kapisillit genimikkut allanngortitikkat Canadami pisiniarfinni nioqqutigineqarsinnaanngortut, Canadap peqqissutsimut ministereqarfiata Health Canadap sisamanngormat nalunaarutigaa.

Aalisakkat pineqartut Amerikami uumassulinnut atortussiornermi suliffeqarfimmit, AquaBounty Technologiesimit ineriartortinneqarput. 

Aviisi The Gazette naapertorlugu, suliffeqarfiup geni atugaa kapisilimmit Chinookimit, Canadap Manerassuarmut sineriaani anginersaasumeersuuvoq.
Genilu taanna kapisilimmut atlantikup imartaaneersumut sukkanerusumik alliartortitsisarpoq nalinginnaasumiillu angilerulersitsilluni. 

Kapisillip taama allanngortinneqarnera peqqissutsimut navianaateqanngitsoq, ministereqarfiup oqaatigaa. 
Ukiorli ataatsip missaa qaangiuppat aatsaat pisiniarfinni tunisaalissaaq.

Avatangiisinilli atuisartunillu illersuisut arlallit maanna akuersissummik tunniussisoqarsimaneranut akerliupput. 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat