Kapisillit genimikkut allanngortitikkat Canadami tuniniarneqarsinnaanngortut
Kapisillit genimikkut allanngortitikkat Canadami pisiniarfinni nioqqutigineqarsinnaanngortut, Canadap peqqissutsimut ministereqarfiata Health Canadap sisamanngormat nalunaarutigaa.
![](/sites/default/files/styles/image_934x467/public/article_images/chinook_laks_foto_bureau_of_land_management_oregon_and_washington_flickr.jpg?itok=jLx7zaDS)
Genit kapisilimmit Chinookimeersut
Kapisillip Chinookip genii atorlugit kapisillit atlantikut imartaaneersut sukkanerusumik alliartortarput nalinginnaasumiillu anginerulertarlutik.
Allattoq Marianne Stenbæk, Montreal, Canada
Nutserisoq Connie Fontain
Aalisakkat pineqartut Amerikami uumassulinnut atortussiornermi suliffeqarfimmit, AquaBounty Technologiesimit ineriartortinneqarput.
Aviisi The Gazette naapertorlugu, suliffeqarfiup geni atugaa kapisilimmit Chinookimit, Canadap Manerassuarmut sineriaani anginersaasumeersuuvoq.
Genilu taanna kapisilimmut atlantikup imartaaneersumut sukkanerusumik alliartortitsisarpoq nalinginnaasumiillu angilerulersitsilluni.
Kapisillip taama allanngortinneqarnera peqqissutsimut navianaateqanngitsoq, ministereqarfiup oqaatigaa.
Ukiorli ataatsip missaa qaangiuppat aatsaat pisiniarfinni tunisaalissaaq.
Avatangiisinilli atuisartunillu illersuisut arlallit maanna akuersissummik tunniussisoqarsimaneranut akerliupput.