Kapisillip nalunaaqutaa 1.500 dollarinnassutigaa
Nalunaaqutsiussaq Pinngortitaleriffimmut nassiutiinnassavat, makitsinermi taava peqataassaatit.
Per Nukaaraq Hansen, Ivittuuneersoq, nalunaaqutsikkamik kapisilippoq, aningaasallu akissarsiassai Aalisarnermut, Piniarnermut Nunalerinermullu Naalakkersuisup, Ane Hansenip tallimanngormat tunniuppai.
Per Nukaaraq Hansen nalunaaqutsikkamik siorna pisaqarpoq, nalunaaqutsiisullu tassaasimapput canadamiut, 2008-mi maajip qaammataani.
Inuit kapisilinnik nalunaaqutsikkanik pisaqartut sukkasuumik nassitsisarnissaat anguniarlugu makitsisoqartalerpoq, nalunaaqutsiussat taakku kapisillip ilisimalernerunissaanut, aamma aalisakkap ingerlaartarnerinik ilisimatuussutsikkut misissuinernut, ilaatigut atorneqartarput.
Tulliani makitsisoqassaaq Ilulissani aappaagu 2011-mi juunip qaammataani.
