Kapisilittassiissutit suli tamakkerneqanngitsut
Tassa imaappoq, kapisillit 8 tonsit suli pisarineqarsinnaapput. Kapisilittassat ukioq manna pisarineqarsinnaasut pisarineqarsimalerpata KANUAANA-p kapisilinniarneq ingerlaannartumik unitsissavaa.
Sunngiffimmi inuussutissarsiutigalugulu kapisilinniartartut kapisilinnik pisaqarnerit tamaasa KANUAANA-mut pinngitsooratik nalunaarutigisussaagaat, KANUAANA-p eqqaasitsissutigaa.
- Kikkulluunniit kapisilinniarnissamut akuersissutaateqartut kapisilinnut qassutiminnik napitaajaareersimatillutik KANUAANA-mut pisatik pillugit nalunaarutigisussaavaat. Pisaqarsimanngikkaluaraanniluunniit nalunaarutiginnittoqartassaaq, nalunaarsuiffimmut 0-mik nalunaartoqassalluni, KANUAANA taama allappoq.
Inuussutissarsiutigalugu sunngiffimmilu aalisartut kapisilittaminnik nalunaarsuisussaanertik naapertorlugu nalunaarsuisimanngippata, aappaaguani kapisilinniarnissamut akuersissummik tunineqarsinnaanngillat.
Kapisilittanik nalunaarsuiffik immersorneqartassaaq.
AAMMA ATUARUK Kapisilittassat siorna 33 procentinik sipporneqartut