Kapisilinniarneq unippoq
Qassutinik kapisilinniutinik immamiititaqaruit – maanna qaqikkiartornissaannut piffissanngulerpoq.
Allattoq Elisa Isaksen
Tassami unnuaru kapisilinniarneq unitsinneqartussaavoq – tassa unnuarumiit kapisilinniarneq inerteqqutaalersussaavoq qassutillu kapisilinniutit tamarmik qaqinneqareersimassasut aalisarnermut piniarnermullu pisortaqarfik nalunaarpoq.
Naalakkersuisut KNAPK isumasioreerlugu ullumikkut ulloq kapisilinniarnermi ulluussasoq kingulleq aalajangersimavaat.
Tamatumunnga atatillu pisortaqarfimmiit kapisilittat tamarmik nalunaarutigineqarnissaat eqqaasitsissutigineqarpoq.