Kapisilinniarneq matussaaq 31.10.05
Allattoq Carla Davidsen
Sinerissami kapisilinniarneq tamarmi oktobarip 31-ianni unnuaqeqqanut killeqarpoq.
Taama nalunaarpoq Aalisarnermut Piniarnermullu Pisortaqarfik.
Kapisilinniarnerup oktobarip 31-ianni unitsinneqarnissaa aalajangiunneqarpoq Naalakkersuisut KNAPK-lu isumasiorneqareermata.
Nalunaarut naapertorlugu sunngiffimmi inuussutissarsiutigalugu kapisilittat tamarmik nunatsinni Aalisarnermut Akuersissutinik Nakkutilliisoqarfimmut Kanuaana-mut nalunaarutigineqassapput.
Sunngiffimmi kapisilittat pisarineqarneraniit kingusinnerpaamik aqaguani nalunaarutigineqassallutik.
Aalisarnermut Piniarnermullu Pisortaqarfik ilisimatitsivoq nalunaaruteqarnissamut immersuiffissaq kommunimi imaluunniit qarasaasiakkut nittartakkamit uannga aaneqarsinnaapput: www.nanoq.gl.