Kapisilinniarneq aqagu unitsinneqassaaq
2008-mi kapisilinniarneq tallimanngornermi oktoberip ulluisa 31-anni nalunaaqutaq 00.00 unitsinneqassaaq. Taamatut Naalakkersuisut KNAPK isumasioreerlugu aalajangiipput.
Allattoq Louise M. Kleemann
oktobarip 30-at 2008 09:13
Ullup taassuma naanerata kingorna kapisilinniarneq inerteqqutaalissaaq. Taamaattumik qassutit tamarmik 31. oktober 2008 nal. 00.00 qaqinneqareersimassapput, Namminersornerullutik oqartussat taama ilisimatitsipput.
Nalunaaruteqarnermut immersuiffissaq kommunimi nittartakkamiluunniit www.nanoq.gl-imi pissarsiarineqarsinnaavoq.
