KAP: Umiartornermut inatsiseqalernissaanut piffissanngorpoq
Royal Greenlandimi atorfinitsitsinermi atugassarititaasut pitsaasuunnginnerinik paasisani tunngavigalugit AK Naalakkersuisunut saaffiginnissuteqarsimavoq, danskillu umarsiortunut inatsisaanni minnerpaaffittut pisinnaatitaaffiit Nunatsinni atuutilersinneqarnissaat piumasaqaatigalugu.
Royal Greenland, Sermitsiaq naapertorlugu, imarsiortunut inatsisitaanissamik piumasaqaat qisuariarfigisimanngilaa, tamannalu aqumiut peqatatigiiffianni KAP-mi siulittaasup paasisinnaannginnerarpaa.
- Umiartornermut inatsit inuttat sapinngisamik pitsaanerpaamik umiarsuaatilinnut sullissinissaannut pisussaaffilissaaq. Peqatigisaannillu umiartornermut inatsimmi inuttat pisinnaatitaaffii qulakkerneqassapput. Taannalu umiartortut pisinnatitaaffiannik taagorneqarpoq, Saxtorph Didriksen Sermitsiamut taama oqapoq.