K'aordlugtok' K'ujaukitsoq narsarmiu suli ujaaraat

Narsami politiit suli ujaaraat 24-nik ukiulik K'aordlugtok' K'ujaukitsok', Narsami najugaqartoq. K'aordlugtok' K'ujaukitsok' kingullermik takuneqarpoq arfininngormat septembarip ulluisa 15-ani 2007, Narsarsuarmi tikeraarnermini klubbimi imerniartarfimmiittoq.

Kingornali periarfeerunneqarpoq, mobilialu attavigineqarsinnaasimanani.

Ujaasineq aallartimmalli K'aordlugtok' K'ujaukitsok' pillugu politiinut paasissutissiisoqarsimanngilaq.

Narsami politeeqarfiup pisortaa Olav Thomsen nalunaarpoq, Narsarsuarmi illut, kælderit, illuaqqat allaammi qulimiguulik atorlugu kangerluit, tatsit, kuuit nunalu politiit qatserisartut suleqatigalugit sapaatip-akunnerata naanerani misissuiffigigaluaraat, kinguneqanngitsumik.

Angutip 24-inik ukiullip kingullermik takuneqarami atugarai; jakki qasertoq, tujuuluaraq T-shirti sungaartoq, qarliit coorbut tungujortut støvlillu qasertut qaqortunik allallit. K'aordlugtok' K'ujaukitsok' isaruaqarpoq qernertunillu naatsunik nujaqarluni.

Sumiinneranik paasissutissiisinnaasut takunnissimasinnaasulluunniit qinnuigineqarput Narsami politiinut sianeqqullugit telefon 66 12 11 imaluunniit mobilimut 49 77 22-mut.