Kanunupe: Nunaqarfimmiut nikussaartariaqalerput!

- Nunaqarfimmiut namminneq nikussaartariaqalerput, taama oqarpoq Kalaallit Nunaanni Nunaqarfiit Peqatigiiffianni siulittaasoq Jens Kristian Therkelsen, ippassaq TV-kkut aallakaatitassiaq nunaqarfinnik pilersuinermut tunngassuteqartoq pillugu qisuariaateqarnermini.
oktobarip 09-at 2008 13:29

- Nunaqarfimmiut aamma alloriaqqinnissaminnut nikussaartariaqarput ilaatigut siulliusariaqarlutilluunniit, taavalu periarfissanik assigiinngitsunik periarfissaqarput? Aamma sutigununa qaammarsaaffigisariaqartugut?

Jens Kristian Therkelsen isumaqarpoq nunaqarfimmiut suliffinnik aallartitserusuttut ikorfartorneqarnerusariaqartut.

- Nunaqarfimmiut qularnanngitsumik amerlasoorpassuusugut suliffinnik aallartitsiniarsinnaanermut tunngasunik paasisimasaqarpallaanngilagut, soorlu piginneqatigeriaatsinut tunngasunik aammalu suliffinnik takornariartitseqatigiiffinnut tunngasunik, Jens Kristian Therkelsen oqarpoq.

Suulluunniit nalugutsigit nammineq paasiniaanissaq pisariaqalersarpoq, taamaattumik sooq taava nunaqarfimmiut namminneq nikussaarlutik paasiniaasinnaasarsimanngillat?

- Nunaqarfimmiut ataatsimeersuartarnerminni tamakku saqqummiuttarnikuuaat, kisiannili ataatsimeersuarnerit kingorna qularnanngitsumik arlaatigut qisuariaqqaartussanik utaqqineq ajoraluartumik pilertarpoq.

Jens Kristian Therkelsen aamma isumaqarpoq nunaqarfiit pillugit naalakkersuisoqarfeqaqqittariaqaraluartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq