Kanukokap siunissaa assortuussutaavoq

Kalaallit Nunaanni Kommuneqarfiit Kattuffiata matuneqarnissaanik Demokraatit kissaateqarnerat, Atassutip siulittaasuata tulliata Steen Lyngep uggoraa.
Allattoq Najaaraq Egede
maajip 20-at 2010 05:01

KANUKOKA aqqutigalugu kommunit suleqatigiinnertik nukittorsartariaqaraat, Steen Lynge isumaqarpoq.

Demokraatit sinnerlugit inatsisartuni ilaasortaq Niels Thomsen isumaqarpoq, kommunit 18-iusut sisamaannanngornerisa kingorna kattuffeqarnissaq pisariaaruttoq. Atassulli allamik isumaqarpoq.

- Kommunit ataatsimoorfissaminnik suli pisariaqartitsipput, kattuffimmik nukittuumik, Namminersorlutik Oqartussanut illuatungiliisinnaasumik, Steen Lynge oqarpoq.

KANUKOKA ilisimasaqarfittut isigaa, tassaniimmata Kalaallit Nunaanni kommuniusimasut pillugit kommunerujussuillu massakkut atuuttut pillugit ilisimasat.

- Ilisimasaqarfik suli pisariaqartinneqarpoq. Pingaartumik suliassaqarfiit arlallit Namminersorlutik Oqartussanit kommuninut nuunneqartussanngornerat eqqarsaatigalugu. Taamaammat kommunit ataatsimoorfissaat pisariaqartinneqarallassaaq, Steen Lynge tikkuaavoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk