KANUKOKA tapersiivoq

Akileraaruseriffiit qitiusumut nuunneqarnerat kommuninit ajornartorsiutigineqalerpoq.
aggustip 29-at 2007 08:26

Kujataani Kommunit Peqatigiiffiata sapaatip akunnera kingulleq tamanna uparuarpaat, KANUKOKA-miillu maanna taperserneqarput.

Kujataani Kommunit naapertorlugit Akileraartarnermut Pisortaqarfik kukkusunik arlaleriaqaluni paasissutissiisarsimavoq, akileraarutitigullu ingerlaavartumik isertitat kommunit iluamik malinnaavigisinnaanngilaat. Aningaasaqarneq kommunit misissorsinnaanngilaat.

KANUKOKA tusagassiutitigut allappoq, Akileraartarnermut Pisortaqarfik aamma Aningaasaqarnermut Pisortaqarfik suleqatigalugit ajornartorsiutit aaqqiiviginiarsarigitik.

Tamanna ilaatigut ima pissaaq, Aasiaat Kommuniani tigoriaannarnik aningaasaqarnerup aningaasallu ingerlaarnerat peqatigiilluni sukumiisumik misissorneqassapput akileraaruserinerup qitiusumut nuunneqarneratigut allannguutit taamaalillutik nalunaarsorneqarniassammata.