Kanukoka: Suliarileriannguarlissuk

Kattuffeqalernissamik pisariaqartitsineq IMAK-p siulittaasuata Sivso Dorphip ujartoraa Radioaviisimi ippassaq oqaatigineqarpoq, massakkutut siulersuisoqarneq sanngeeruteqarnerarlugu oqarluni.

Kanukokap siulittaasua Enok Sandgreen tapersiilluni ima oqarpoq:

-Suliarileriannguarlissuk, nunatsinni ineriartornermut naleqqussarnissaq pingaaruteqartorujussuuvoq, taamaattumik aamma atuarfiup siulersuisuisa naleqqussarnissaminnik kissaateqalersimanerat isumaqarpunga isuma pitsaasuusoq taamaattumik tapersersorluarneqarnissaat qularutigineqassanngilaq, Enok Sandgreen oqarpoq.

Atuarfiup siulersuisuini sulineq Enok Sandgreenip misilereersimavaa. Nunaqarfiniillu sunniuteqarniarneq assut ajornakussoortartoq misilereersimavaa:

- Atuarfiup siulersuisuni sulisimalluni pingaartumik nunaqarfinnit sunniuteqarniarneq assut ajornakusoortarpoq. Taamaattumik atuarfinni siulersuisut suleqatigiiffissaminnik pilersitsissagunik allaat torrallaasutut oqaatigineqarsinnaasut.

Pisariaqassappat KANUKOKA ikiuussinnaasoq oqaatigaa:

- Atuarfinnik sullisseqataasunik KANUKOKA-mi sulisoqarpugut, taamaattumik tassuunaarlugu suleqataanissarput qularutissaassanngilaq, Enok Sandgreen oqarpoq.

Qanoq anguniarneqasrinnaava?

- Kattuffiliorneq ataatsimeersuarnermik aallartinneqartarpoq, taamaattumik suliarileriannguarlissuk!