Kanukoka sap ak. uani ataatsimeersuassaaq

Kommuneqarfiit kattuffiat Kanukoka Ilulissani Ilulissani pingasunngorpat sisamanngorpallu ataatsimeersuassaaq. Kanukokap siulittaasua Jens Lars Fleischer oqarpoq ataatsimeersuarnissami matumani oqaluuserisassat imaannaanngitsuusut.

Ataatsimeersuarnermi oqaluuserisassani pingaarnerit ilagaat innarluutillit sullinneqarat.

Tassunga atatillugu Kanukoka kommuneqarfinnik aqqanilinnik tunuliaqutaqarluni Namminersornerullutik Oqartussanik eqqartuussisulersuussivoq, kommuneqarfiit innarluutilinnik sullissinerannut aningaasaliissutaasartut ikilisinnniarneqarmata.

- Ilaqutariinnermut Naalakkersuisoq Tommy Marø suliakkiinermut naliliissuteqarnissaa pillugu ataatsimeersuarnermut qaaqqusaavoq. Tamatuma saniatigut innarluutillit atugaasa qanoq ililluni pitsanngorsarneqarnissaat aamma oqaluuserineqassaaq, Jens Lars Fleischer oqarpoq.

Kanukokap ataatsimeersuarnissaani siulersuisussanik siulittaasussamillu qinersisoqassaaq, Jens Lars Fleischer, Uummannami massakkut borgmesteriusoq siulittaasussamut sassaqqinniarluni oqarpoq.