KANUKOKA: Qitiusumik allaffeqarnissaq pingaaruteqarpoq
Illoqarfiit sisamat sorliit qaqugu ’borgmestereqarfinngussanersut’ inissinneqanngilaq, Karl Lyberth-lu sissuertumik siunnersuuteqarpoq:
- Neriuppunga taanna piaakannersumik kingusinnerpaamillu kommunerujussuit aallartitsinnagit pissasoq. Kisianni neriuppunga qitiusumik allaffeqarfissat, tassa borgmestereqarfissat, illoqarfiit taakkua sumiinissaat maannangaaq paaseriissallugu. Neriuutigivara kommunerujussuanngortussat qitiusumik allaffeqassasut, imatut immikkuualuttukkuutaarnagit, akisussaaffiit assigiinngitsut immikkuualuttumik inissitsiternagit. Siunissami apeqquterpassuit assiigiinngitsut qularnanngitsumik ajornartorsiutaasinnaasut kommunerujussuanngortussanut takkuttartussaapput. Taamaattumik pingaarpoq tassani kommunerujussuarmi oqartussaasut piaartumik imminnut naappissinnaanissaat imminut takullutik ajornartorsiutaasinnaasut taakkartorsinnaanissaat.
- Qitiusumik allaffeqarnissaq pingaaruteqarpoq. Akisussaaffiit assigiinngitsut qullersaqarfii aggulunnagit ataatsimoorunik taava suliat assigiinngitsut oqinnerusumik sukkanerusumillu ingerlassapput. Assigiinngitsorpassuit taamatut ataatsimoorfiusumik peqaraanni, sukkanerusumik kusanarnerusumillu aaqqinneqarsinnaasapput, Karl Lyberth oqarpoq.
