Kanukoka: Qimarngueqarneq pillugu inatsiseqarpoq

aggustip 29-at 2006 14:12

Nunat avannarliit arnataasa persuttaaneq akiorniarlugu Savalimmiuni ataatsimeersuartitsineranni nunatsinni qimarngueqarnerup tungaatigut ikiorsiinngippallaartarnerup tupigusuutigineqarsimanera, Kanukokap siulittaasuata innersuussutigaa tamatuma oqaluuserisassanngortinneqarnissaa.

Ilisimatitsissutigissavarput nipaa ajoquteqalaarmat.

- Namminersornerullutik oqartussat aalajangersagaanni allassimavoq Qimarnuinnut tunngatillugu Ilaqutariinnermi pisortaqarfik tapiisarnerni saaffigineqartartussaavoq taassumalu oqaaseqartup tamanna misissorluarsimasariaqaraluarpaa, Lars Karl Jensen oqarpoq.

Taanna qalleqqissarlugu aperaarput naammattunik tapiisoqanngittuartillugu taamatut eqqarsartoqartuarnissaa eqqarsaatigineqarsinnaannginnersoq.

- Kommunit ataasiakkaarlutik ilaqutariinnermi politikkeqarnerat tassani apeqqutaavoq, aammalu aningaasartuutissat suliarineqarneranni qanoq aningaasaleerusussuseqartoqartiginersoq, oqarpoq.

Erseqqissaatitullu apereqqipparput nunat avannarlernut allanut nunarput sanilliullugu tamatumani kinguarsimanerpaatut inissimasutut isigineqartoq, tamannalu taamaattuaannassanersoq.

- Taamatut saqqummiisoqarsimassaguni taava nalunaarusiamik saqqummiisoqartariaqarpoq, akivoq.

Taamatuttaaq inatsit pineqartoq taamaattuartillugu ajornartorsiutip piujuaannarneranut inatsit pisooqataanersoq aperaarput.

- Taanna pisooqataasinnaavoq inatsisartut malinnaanerat aallaavigalugu taanna kingullermik 2004-mi allanngortinneqarpoq. Taamaattumik inuiaqatigiinni pisariaqartinneqarpat tamatuma allanngortinneqarnissaa pillugu qaqeqqinneqartariaqarsimassaaq, Lars Karl Jensen naggasiivoq.