KANUKOKA-p aaqqissuussannera allanngussaaq

Kalaallit Nunaanni Kommuneqarfiit Kattuffiata KANUKOKA-p aallartitai qinigaarlaat nutaat paasissutissiiffiusumik ataatsimiiseqqammerpai.
Allattoq Najaaraq Egede
maajip 30-at 2008 17:14

Ataatsimiinneq pivoq Nuummi marlunngornermiit sisamanngorneq maajip ulluisa 29-iat ilanngullugu.

Kommunit 18-it januaarip aallaqqaataaniit kommunerujussuarnut sisamanut ikaarsaariassapput.

Kommunerujussuarnut ikaarsaarnermut atatillugu KANUKOKA-p aaqqissuussaanera allanngortiterneqassaaq.

Ikaarsaariarnermut ataatsimiititalinut qinigaasut ataatsimiinnerminni KANUKOKA-p malittarisassai, suliassai siulersugaaneralu sammivaat, peqatigitillugu aqutseriaatsit ullumikkut atuuttut siunissamilu aqutseriaasiusinnaasut paasissutissiissutigineqarput.

- Imaassinnaavoq Kattuffiup siulersuisui ikileriassasut, tamanna ikaarsaariarnermut ataatsimiititaliat peqatigalugit eqqartorparput, kisianni allannguisoqassappat, aallartitat septembarip qaammataani ataatsimiilerpata aatsaat tamanna eqqartussagaat, KANUKOKA-mi siulittaasoq Søren Alaufesen erseqqissaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq