KANUKOKA-mi aallartitat ukiumoortumik ataatsimiilerput
Kommunit kattussuunneqarnerisa kingornagut siullermeersumik ataatsimiittoqalerpat, kommunalbestyrelsini ilaasortat atorfilittallu ataatsimiinnissaat Nunatta oqaluttuarisaaneranut pingaaruteqassaaq.
Kommunit aaqqissuuteqqinneqarnerannut atatillugu sulinermut ataatsimiinneq pingaaruteqarpoq.
Oqaluuserisassaqangaatsiarpoq, ilaatigut kommunini qarasaasialerinerup ineriartortinneqarnissaa oqaluuserineqassalluni, matumani innuttaasunut paasissutissiinerup pisariillisarneqarnissaa pineqarluni. Pisariinnerusumik nuna tamakkerlugu sullissisinnaanissaq oqaluuserineqassalluni.
KANUKOKA-p Kimik IT-mik siorna eqqartuussisulersuussinerani aningaasat 17 millionit koruunit pissarsiarineqarput, taakkualu iluaqutaasinnaassapput.
Silersuisummi isumaqarput aningaasat kommunit aningaasatigut aqunneqarnerannut atorneqarsinnaasut, aningaasat kommunit suleqatigiinnerannut atorneqarsinnaanissaat eqqarsaatigineqarluni.
Ilulissani ataatsimiinneq ullaap tungaa qulingulianut aallartissaaq, aqagulu naammassineqassalluni.