KANUKOKA eqqakkat pillugit paasisitsiniaalerpoq

Eqqakkat navianartut suuneri pillugit Kalaallit Nunaanni Kommunit Kattuffiat, KANUKOKA, nuna tamakkerlugu maanna paasisitsiniaanialerpoq.

Allakkat puussaat allaffinni Kalaallit Nunaannilu tamarmi allakkat nakkartitsiviisigut ulluni makkunani nakkartinneqaqattaarpoq. Allakkat KANUKOKA-minngaaneersuupput, iluaniipporlu takussutissiaq plasticimik ungalusaq, suliffeqarfiillu assigiinngitsut ilisimasassaat, siunnersuutillu taassuma iluaniipput, ilisimatitsissutigineqarpoq eqqagassat navianaatillit suunerat, qanorlu pineqarsinnaanerat.

Eqqagassanik eqqaavimmut containerimulluunniit igitsinerit tamaasa eqqarsarluaqqissaartariaqarpoq: Suunuku igikkivut, KANUKOKA-p siulittaasua, Lars Karl Jensen, allappoq.

Allakkiaq kalaallisut danskisullu allagaavoq, tassani atuarneqarsinnaavoq eqqagassat sorpiaat avatangiisitsinnut navianaateqarsinnaanersut, soorlu atortut elektronikkimut tunngasut, uuliakut, arrorsaatit batteriillu, tamakkulu avatangiisinut navianaateqannginnerpaamik qanoq iginneqarsinnaanerat siunnersuusiarineqarsimavoq.

Allakkiap ersittumi nivinngarneqarnissaa KANUKOKA-p siunnersuutigaa, kikkulluunniit eqqagassanik igitsiartortut eqqarsarluartarnissaat taamaalilluni anguneqarsinnaaniassammat.