Kannguttaatsuliortimik naapinnissaat annilaangassutigisarpaat
Meeqqat kinguaassiutitigut atornerlugaasimasut atornerluisumik nunaqqatiginerani silami siumoriasaarnissaa assut annilaangassutigisarpaat, tamannalu annilaanganerujussuarmik pilersitsisartoq, tarnip pissusaanik ilisimasallip Inuk Bourup-Nielsenip oqaatigaa.
- Pinerluttuliorsimasoq nunaqqatigikkajuttaramikku takujuaannartarlugulu, tassani annilaanganerujussuaq pigilertarpaat utersaartuulerlutillu, tarnip pissusaanik ilisimasalik Inuk Bourup-Nielsen oqarpoq.
Aamma atuaruk TV-kkut oqallittoqareermat siunnersuisarfiit ulapputtut
Eqqarsartaatsiminni nalunngikkaluarlugu inuit akornaniitilluni susinnaanngikkaani, timaatali eqqaamassagaa, tarnip pissusaanik ilisimasalik oqarpoq.
-Timip qaangiiffigineqarnikuunini puigunngisaannaramiuk arlaannik susoqarsimagaangat, timi sajuttuinnanngorsinnaavoq, anernikilliornerit, kassuttoornerit kiakkernerillu aallartissinnaapput, Inuk Bourup-Nielsen KNR-imut oqarpoq.
Meeraq kinguaassiutitigut atornerlugaasimasup atornerluisuni naapeqattaarlugu, qaavatigut pillarneqaqqittarnerani suliaq oqimaallisartoq akiorniarlugu, Inuk Bourup-Nielsenip kissaatigigaluarpaa tamanna aaqqiiffigineqassasoq.
