Unnerluussisussaatitaasut pisortaata, Morten Nielsenip Mikael Petersen ulluni 60-ini pineqaatissinneqarnissaa piumasaa.Assi: KNR

Kannguttaatsuliornermut suliami eqqartuussivimmi aalajangiinissaq kinguarpoq

Eqqartuussivimmi suliaq kannguttaatsuliornermut tunngasoq ullumikkut naammassineqartussaagaluarpoq, aalajangiinissarli aqagumut kinguartinneqarpoq.

Eqqartuussivimmi aalajangiinissaq kisinngoruppoq. Tamanna aqagumut nalunaaqutaq sisamanut kinguartinneqarpoq.

Eqqartuussivimmi suliaq Siumup Partii Naleqqallu allaattaanerisimasaanut, Mikael Petersenimut tunngasuuvoq.

AAMMA ATUARUK Kannguttaatsuliorneq pillugu nunatsinni eqqartuussivinni suliat annersaat suliarineqalersoq

Taanna pisimasunut sisamanut kannguttaatsuliorsimasutut unnerluunneqarpoq. Suliaq Eqqartuussissoqarfik Sermersuumi pilersaarutit malillugit ullumikkut naammassineqartussaagaluarpoq.

Ilisimannittut tallimat nassuiaapput, aamma unnerluussisussaatitaasut illersuisorlu naggataarutaaasumik tunngavilersuillutik saqqummiussipput.

Unnerluunneqartoq Mikael Petersen pinngitsuunerartarpoq.

Kannguttaatsuliornerit Siumup Nuummi allattoqarfiani piffissami 2013-imiit 2019-imut pisimanerarneqarput. Unnerluussisut Mikael Petersenimit nulumikkut attuuaneqartarsimanerarlutillu iviagitik kuglepenimik kivinneqartarsimanerarpaat.

AAMMA ATUARUK Kannguttaatsuliorneq pillugu suliami arnat arfinillit ilisimannittuusut

Illersuisup ilisimannittut arlallit ullumikkut suliarinninnermi aggersarpai. Taakkua tamarmik Mikael Petersen unnerluuneqarneratut pisimasunik takusimanngisaannarlutik oqarput.

Unnerluussisussaatitaasut pisortaata, Morten Nielsenip Mikael Petersen ulluni 60-ini pineqaatissinneqarnissaa piumasaraa.

Illersuisulli Jens Paulsenip, Mikael Petersen pinngitsuutineqassasoq piumasaraa. Illersuisummi arnat ilisimannittut oqaluttuaat ataqatigiinngitsuunerarlugillu arlallit ilumuunnginnerarpai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat