Kanngusuttorujussuarmik inoqassagunarpoq

Sverigimi illoqarfiit pingaarnersaanni Stockholmimi atuakkanik atorniartarfimmi qarasaasiami paasissutissanik toqqorsiveeqqamik peertakkamik, usb-nøglemik ippassaq nassaartoqareersorlu, Sverigimi illersornissamut qullersaqarfimmiumik piffissami matumani kanngusuttorujussuarmik inoqassaaq. Paasissutissammi taakku illersornissamut tunngasuupput.
Allattoq Mads Lynge
januaarip 04-at 2008 16:15

Paasissutissat toqqortarineqartut tassaapput Sverige nunallu allat pillugit paasissutissat – ilaatigut USA-mut tunngasuusut, Sverigimi illersornissamut pisortaqarfik ilisimatitsivoq.

Allakkat pingaarutillit isertuussat marluk usb-nøglemi toqqortanut ilaapput. Tamannalu ilungersunartuuvoq, illersornissamut oqartussanit oqaaseqartitaq ilaatigut taama oqarpoq.